venres, 14 de decembro de 2018

Esperando..


luns, 10 de decembro de 2018

II do Advento


domingo, 2 de decembro de 2018

martes, 27 de novembro de 2018

Na lista de Coruña Bloggers

Hoxe, buscando un blogue no listado da páxina de Coruña Bloggers, atopei o meu. O meu máis sincero agradecemento.

xoves, 22 de novembro de 2018

luns, 19 de novembro de 2018

No Acuario da Coruña...

Da miña visita do pasado xoves ó Acuario coruñés dentro da Semana da Ciencia, con entrada gratuíta os museos municipais do meu concello. Son medusas.

martes, 6 de novembro de 2018

Ferrol


luns, 10 de setembro de 2018

Graciñas.

Graciñas a Coruña Bloggers polo interese no meu blogue.

domingo, 9 de setembro de 2018

luns, 20 de agosto de 2018

"Unha historia de amor"

Deixo unha creación miña publicada na semana pasada na Voz de Galicia:
Unha historia de amor

sábado, 28 de xullo de 2018

Los veranos en la aldea...

Una persona a la que aprecio comentó hace unos días sus experiencias en la aldea. Aunque yo ahora no vaya a la aldea por distintas razones, me acuerdo de que eso en la infancia equivalía a viajar a otro país, porque era otro mundo. Una aldea al lado de una de las villas del Ayuntamiento (Teixeiro en Curtis), con corredoiras, prados, ríos, aldeas con casas pequeñas, la vía del tren que marcaba la frontera de Carripás (Carroipaz), la casa humilde con pozo, huerta y establo con conejitos y demás animales. Vida tranquila, ir a la villa por la compra, hablar mucho con la gente, la leche entregada fresca todas las mañanas, el chocolate de la merienda...

venres, 27 de xullo de 2018

En Santiago...

Moito tempo de ausencia por estes lares... O medo á páxina en branco... Hoxe quero volver facendo memoria duns días nos que rompo completamente coas inercias do ano. Adoito pasar uns días en Santiago... Encántame o desafío de compartir vivenda e de convivir cunha persoa... Santiago ten o engado de ter moita zona verde (aquí na Coruña estamos obsesionados por construír e urbanizar as poucas zonas rurais que aínda temos, consideramos perda dar terreos para centros de cultura para a xente, residencias para os máis necesitados e parques con distintas dotacións...) e de ter moi ben coidada a zona monumental e patrimonial.

Santiago para min está asociada á época da carreira universitaria de finais da pasada década, cando botaba todo o día na facultade, nos centros universitarios e tamén no concello, aínda que volvía eu á Coruña. Dadas as súas identidades rural e xacobea, tiña moito que ofrecerme intelectualmente. Recoñezo que non contaba con volver, pero supoño que o seu atractivo é irresistible. A catedral, nos días da miña estadía, lucía coa fachada e co Pórtico limpos e coa faciana de hai séculos... Non fun este ano ó Gaiás, que non existía na miña época universitaria e que me engaiola cos seus bosques e instalacións que acolllen distintas ofertas culturais. Tampouco fun a museos ós que adoito ir, pero encantoume pasear pola zona de San Pedro e polo casco antigo.. O ritmo urbano de xentes da zona do Ensanche-Alameda é algo que me atrae, tamén...

sábado, 26 de maio de 2018

Un recuncho da miña casa...

Con esta foto réndolle gratitude a dúas persoas vitais na miña existencia: a miña nai, Ana María Seijas Valledepaz e María de los Ángeles (Ángela) Soilán González, pintora desta lámina, agasallo por un aniversario de hai anos, que tenta representa-las mans da miña nai, modista. Beizón ás dúas.

sábado, 12 de maio de 2018

En San Xoán de Caaveiro...

Na subida ó mosteiro de San Xoán de Caaveiro, na ponte de Santa Cristina, despois do camiño dos encomendeiros e antes do da Ventureira (Fragas do Eume).
https://es.wikiloc.com/rutas-senderismo/fragas-do-eume-ventureira-canon-do-eume-caaveiro-14609676/photo-9102613

xoves, 19 de abril de 2018

Feliz cumple, mami!

Hoy mi madre cumpliría años. Me dejó ya hace algún tiempo. Tuve el gran privilegio, a lo mejor la única cosa buena que he hecho en mi vida, de besar su cara en los últimos días, cuando ya nada me podía dar, ni siquiera era consciente, cuando su cuerpo se deshacía por la enfermedad que la corroía por dentro...
Me acordaré siempre de que ella era supercomprensiva y que, aunque yo metía la pata de una manera brutal, me defendía ante mi padre. Lamento no haber hablado más con ella, sé que estuvo ella orgullosa de mí hasta el último momento consciente...

martes, 3 de abril de 2018

Curiosidades...

Levo tempo sen publicar. Fareino con este pequeno texto posto noutro sitio...

"Encantoume onte o artigo de Xosé Alfeirán sobre a antiga ermida medieval da Illa do Pé ou de San Coral (Conrado) na zona do monte de San Pedro, adicada a San Coral. Nos textos antigos figuraba como punto de referencia con respecto á Torre de Faro (Faro é o antigo nome de Coruña e Torre de Faro é a Torre de Hércules, tamén chamado Castillo Viejo). É a illa que, indo cara ao Portiño ou Seavella, ten un pequeno camiño de rochas en marea baixa."

martes, 27 de febreiro de 2018

Por Vigo...

O pergamiño Vindel, que normalmente está en América e que ata este domingo día 4 de marzo estará polas terras das que fala (as ondas do mar de Vigo), animoume a ir nun día libre ata Vigo. Normalmente soe haber rápidos por vía ferroviario que te deixan nunha hora e media no centro de Vigo.

Estiven unha miguiña despistado porque unha das liñas que te leva ata a zona de Bouzas, zona costeira e portuaria desde onde se poden ver as Cíes, por estar na parada desaxeitada, non na beirarrúa da estación de trens, levoume ata a outra punta, O Castro, onde asenta a Universidade. Seguín na mesma liña, que me levou ata o Museo do Mar, pero tiven que volver pola tarde, pasear antes por Vigo e polas súas praias para facer tempo antes de entrar ás cinco da tarde e ver unhas instalacións que enganan porque hai moito que ver dentro ata ver o Vindel, que está ao final das exposicións. 

O Museo non só alberga descrición histórica mariña mundial e galega senón que tamén acubilla pequenas exposicións temporais doutros estilos. Para min foi unha grande alfaia ver o castro no exterior, moi ben conservado e con grande riqueza de fondos atopados que se custodian no museo (normalmente soe encontrarse pouco debido ao expolio da xente). Faltoume por visitar o acuario, queda para outra mellorada... En Vigo impresionan as instalacións portuarias, o famoso Berbés, cunha grande industria. Fixeime no anuncio nunha futura exposición, naquel día de visita, da conmemoración dos 150 anos da visita do capitán Nemo á ría de Vigo...