En xuño merquei por fin este libro escrito co corazón por unha persoa que teimudamente quere salvar as súas raíces.
Conseguiu acceder ás cancións da súa avoa que escoitara de neno grazas ó labor dunha musicóloga que percorreu Galicia despois de asistir a clases de galego no verán na Universidade de Santiago. Grazas ós contactos conseguiu acceder a esa muller que volveu varias décadas despois á nosa terra, moito despois da morte das súas informantes.
Ricardo, Richi, Casás Salgado recupera o repertorio da aldea na que botou moitos días de lecer na nenez, pero interpretado coa súa formación de jazz e conservatorio.
Ningún comentario:
Publicar un comentario