Onte volvín ó Museo Nacional de Ciencia para ver devagar as expos. Interesábame sobre todo a do último andar que fala do mellor aproveitamento lumínico, sobre o "apagado dos ceos" nas noites das nosas cidades e os modelos de farolas, bombillas e iluminacións máis axeitadas para os nosos entornos urbanos.
E non puiden evitar fixarme en toda a iluminación nocturna do camiño que vai desde o centro urbano de Arteixo pasando por Groufa, Sabón, Oseiro, Pastoriza e Meicende. Demasiadas farolas, moitas pegadas as unhas ás outras, iluminación de negocios e empresas de Meicende e Nostián, sobre todo no entorno da Refinería... Así as nosas noites non son mouras, senón alaranxadas ou esbrancuxadas... e só vémo-la lúa, sobre todo cando está en todo o seu esplendor coma onte...
Ningún comentario:
Publicar un comentario