Hoxe vai de museos. A miña cidade ten moitos e moi variados. Eu recomendaría, por exemplo, un dos máis antigos, o Castelo de San Antón, pouco despois do Xardín de San Carlos.
Desde os anos sesenta do século pasado converteuse nun Museo que acolleu principalmente as excavacións do Castro de Elviña e outros castros da bisbarra, así coma os restos medievais da cidade, que se expoñen no patio exterior da planta baixa. Na zona alta expóñense obxectos doutros séculos, especialmente, a Guerra da Independencia contra os franceses na nosa cidade, que tivo lugar na zona do Castro de Elviña.
O propio Castelo é moi interesante para pasear polo patio exterior, o aljibe interno que recolle as augas desde o pozo do xardinciño da parte alta. Esta parte contén as habitacións das autoridades e a capela desacralizada. Desde a parte alta, sobre todo, desde o teito da zona de vivenda, tense unha vista marabillosa da parte medieval e portuaria da cidade.
Ningún comentario:
Publicar un comentario